注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Lovely Planet

AT THIS VERY MOMENT

 
 
 

日志

 
 

MY DEAR DEAR 公公  

2009-07-23 16:12:38|  分类: 默认分类 |  标签: |举报 |字号 订阅

  下载LOFTER 我的照片书  |

MY DEAR DEAR 公公 - anna sui - Lovely Planet

N多年前三表姐妹仲系细细路既时候,公公抱住我地好开心~

MY DEAR DEAR 公公 - anna sui - Lovely Planet

系开平拜山既时候,食左好多钵仔糕~体得出公公好高大,最矮啊个就系当年好恶死既彭东方!!

MY DEAR DEAR 公公 - anna sui - Lovely Planet

十几廿年都系甘既样,而家体落均安大酒店好适合拍鬼片~当年墙上有5个钟,而家都系得返一个~当年英语老师都有举例,大酒店既档次只系叫restaurant,5够格叫hotel~

MY DEAR DEAR 公公 - anna sui - Lovely Planet

楼下既钟表店,中间既女人钟,亦系摆左系度十几廿年~

MY DEAR DEAR 公公 - anna sui - Lovely Planet

远近闻名既凤安街~我都系初中先知道呢条街出名,当年我住系呢度,凤安街一号三楼~

 

夏天会特别容易琳起公公

公公既生忌死忌都系夏天

 

记得当年公公做过几次手术,我三四年级既时候距经常住院

无人同我讲过公公有病,更无人讲过公公既病系乜病,有几严重

四年级既个个夏天,距地系广州既医院接公公返均安,琳住几日后同距过生日

当日我放学返到去既时候,公公已经5系度,走左

我无琳过公公会死

我记得既公公七十岁依然好精健,高大而且腰板挺直5会驼背

我无琳过我放学一翻到屋企就听到我好耐无见既公公就甘走左

太突然

突然到难以接受

 

我一岁开始就系婆婆度住

可能系因为嫲嫲凑得5好,妈咪要返银行,公公婆婆退休好无聊,所以我就肩负起陪伴公公婆婆过退休生活既历史重任

当年就系住系凤安街一号三楼

公公好锡我地每一个人

我地三表姐妹阵阵都会话婆婆最锡彭大恶人,偏心

但公公5会,我地从来5觉得距偏心

公公生左5朵金花,叫斯、京、克、茜、筠,我琳距其实都系想追返个仔既

 

公公中意食555,有一副烟屎牙,戴住老花镜,日日都着衬衫西裤,仲会带手帕,一位亲切既老绅士

公公中意用胡须吉我,呢个系男人一厢情愿既浪漫,我琳每个细路其实都5系真系甘中意

公公有时系我训觉前同我玩,有时我玩到颠颠丧丧甘成个头撞落墙度都仲会笑

 

系我出世之后,公公就做我相机背后既男人,影左好多好多相,每年生日都有影

大个左之后,我先知道原来我系几甘幸福,5系个个人都有甘多细个既相,可以对童年仲有甘多回忆

系我细到未返幼儿园既时候,公公试过好另类甘买过指甲油俾我,而且仲系大红色既哈哈

公公亦都买过好多玩具俾我,我记得我读小学既时候系三华商业城买过一个彩虹仙子,一个晓飞既barbie,但距陪左我无几耐就俾我啊妈好狠心甘连埋所有玩具装晒落麻包袋放系天花板上面既阁楼,有2,3个麻包袋甘多!我到而家一直都心心思想返去罗返晒d玩具,可能而家会好值钱,古董玩具~

 

我细细个就已经日日跟公公婆婆去大酒店饮茶,连返幼儿园都系饮完茶先去,基本上日日迟到

日日去饮茶,都会见到5同既人好尊敬甘“校长”“校长”甘叫公公,个阵时觉得做校长既孙都真系好威

饮完茶我经常拖公公去大酒店隔离既锐昌买动画VCD

猛鬼校园啊,婚纱小天使啊,蜡笔小新啊,新世纪福音战士啊……一大堆

公公亦都好潮,乜音乐都听,港台音乐5使讲啦,粤曲更加有啦,连日本既十年百曲啊,Micheal Jackson既MTV啊,轻音乐啊古典乐都有

我琳公公如果多几年命既话,都会同我一齐听SPEED既歌

 

公公日日带住我返学,学前班返中心小学既时候每日都系大桥脚开始沿住凫州河行

当年岸边停左好多船,好多男人系河边大榕树下打牌

连附近路边都系一股尿味

如果我一个人行既话我实觉得好似恐怖片甘

 

公公有时都会好恶

最恶既时候就系距闹我我顶嘴然后距嬲到赶我出门口

聪明既小朋友系个俾人闹都会顶嘴,而且仲系顶得好有水平所以先会俾人赶

赶过几次出门之后我都5会惊到哭,就算每次俾人赶都系夜晚

有时我仲会好冷静甘琳我自己行返西堤路既屋企稳嫲嫲,等你地5见左我吓到你地惊

但好似每次都系我未下决心之前就俾婆婆开门拉返我入去

 

一年级既时候同公公去过唯一一次既旅游,同埋婆婆妈咪,国庆一齐去北京

当年太细啦记得好少

连学“香山红叶红满天,一,三,五,七,九”既时候老师问我有无去香山我都5知系乜就话无,返到屋企问啊妈就大大声话梗系有去过,我恍然大悟就系满地马屎既地方~

我净系记得去长城既时候落雨又塞车,见到肌肉男吴刚系路边行成班师奶冲晒落去影相,仲有就系公公买左把丝做既美人扇俾我,我罗住呢把扇系十三陵既长廊度行

我都系体 非诚勿扰 先知到条长廊系系十三陵,我一直以为系系故宫,旧年去故宫时稳5到呢条长廊一直都好失望

 

二年级既时候由凤安街搬去江美花园

公公好有才,距会写书法,会画画,连江美花园间屋既室内设计都系距自己设计自己画

我同公公讲将彩色光管收系一层天花板入面

估5到公公真系甘做

其实我都只系行商场既时候体返黎姐

搬过去住之后成日都会有人黎参观装修,公公都不亦乐乎去接待距地,我琳公公一定系好自豪

 

记得公公只系做过一次大寿,系七十大寿,系大酒店摆左好多围

而家琳返起

我觉得老人家摆大寿好似系一种告别仪式,同全世界宣布剩低既日子5多

所以老人摆大寿一定要出席

婆婆都未摆过大寿,距话我毕业一年之后就系距八十大寿要我赞助

时间就系甘一复一年

快得恐怖

 

我好想公公可以体住我读中学,考大学,工作

就算体5到我结婚我都好想公公可以抱到表姐个仔,总之就系四代同堂

我琳公公到时可以帮手改到一个好有技术含量既名

公公走得太早,距既福仲未享够

距应该要去更多既地方,要食更好既野,要住更好既地方

好挂住我好亲爱好亲爱既公公

  评论这张
 
阅读(87)| 评论(3)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017